(( العراقية ذهب )) ... شعر شعبي

(( العراقية ذهب ))



حلوة وجريئة العراقية والعيون چتالة

بنظرتها اتبوگ الگلب چنها ادگول غزالة

اللي يشوف سحرها ينجن وحالتة تصير حالة

عذاب وسهر واحلام و النوم ما يجي على بالة

احتار بيها الوصف وبسببها الگمر ذب استقالة

ونوبات البحر مينام يخاف عيونها تصير امبدالة

وحتي الورد الجوري زعل لان اخذت دلالة

صح تفاح الشام حلو و كرز لبنان معروف بجمالة

بس رغم كل الاوصاف مايلحگن تمرنا استحالة

العراقية ذهب تعيش وياك للموت على خبز النخالة

وشما تقسى الظروف حبل العشگ ما تگطع وصالة

من كل شي اخذت شي ما خلت من العراق اچمالة

الطول بصراوي والدلع مصلاوي وبغدادية الاصالة

الگلب اللي يحظى بيچ محظوظ والف مرة هنيالة

عاشت ايدك

على القصيدة