شكد افكر بيك

بيني وبين نفسي شكد افكر بيك
واكول شمعنه انته الشاغل ضنوني
مو اول عشك خاطر تشل الحال
ولا اول غرام اتشوفك عيوني
شجاها الروح يمك ذبت الاسرار
وليش ارجف عليك وينخطف لوني
وحتى الناس صارت تعرف بهالحال
وماعرف شكلهم من يسألوني
يطبون بصفنتي وعنك يدورون
يلكوني افكر بيك يلكوني
صاحت كلها صاحت هذا هذا فلان
موعندي لكوك وبيك تهموني
تهموني بمحبتك والله لويدرون
على ظيم العلي يضل يواسوني
مايدرون عايفني بمهب الريح
وانا وياك عفت المايعوفوني
اليحبوني شكثر ولجيتي يتانون
واخجل من كثر ماكام يتنوني
وانته الماتحبني شون بالله وياك
امرن بيك مامر باليحبوني
عفت الي شروني ومن ارد شون
هم اسوى بعد والنوب يشروني
متحبني واحبك والمصيبة النوب
اريدك وانهزم من اليريدوني
بدونك صرت ماعيش وي الناس
وانته بكل سعادة تعيش من دوني
باحزانك اودي عيوني تبجي وياك
وبفراحك ابد ماتذكر سنوني
من سمعوا اهلنه العشك دك الباب
ماخلوك اهلك واهلي خلوني
ما خلوك اهلك حقهم يخافون
ونا اهلي لمحبتك شلع باعوني
تحياتي