ابـو ذيات جــمــــيـــــلة

ابوذيات جميلة


___:::___:::___


وحگ صورة ألم نشرح والأخلاص
همي مانگص مره ولاخلاص
أذا نحجي بوفه الصاحب والاخلاص
مثلك ماوفه واحد أليه
___:::___:::___



وحق من كون الكونيـن وسم
جرح افراگم بالگلــب وسم
علي يسهل شرب تيزاب وسم
ولا بمواصلك تگطع عليه...
___:::___:::__



أهج مره واعوف الدار مرات
وصير منازع ويه الموت مرات
أذا أنت الليالي ويــــاك مرات
أنه نص النهار أظلم علـــــيه.
___:::___:::___


صرت مرهون حبك ونتراهن.
وتعال أيام هجرك ونتراهن.
يجي يوم انتواجه ونتراهن.
منو الأكثر يحب ويود خويه.
___:::___:::___


أكتبلي شماردت تكتـــــب
وردلك...
أزعل وأبتعد وأمشـــــي
وردلك...
بساتين بوسط گلبـــــــي
وردلك...
يابحر الاخوه الصافي ميه
___:::___:::___


گلب صافي لون تدري گلبنه
وابد مايوم علصاحب گلبنـــه
نصير اضلوع الك وانت گلبنه
ونحافظ علگلب من كل اذيه"
___:::___:::___


غيرك ماحله بعيني ولاطــــاب
ولا دونك دخل گلبي ولاطـــاب
جرحي البيه ماهون ولاطـــاب
ينزف دم فلاتدرون بيه...
___:::___:::___



شربت غمدان من حبك وسومر
وجهي من الشمس مولح وسومر
احبك من عهد بابل وسومر
وحمورابي الملك يشهد عليه.


___:::___:::___




انه گلبي عله الطيبين ينشــــد
وبطورك يطيب الذات ينشــــد
انه ظهري بخوي وبيك ينشــد
وتزيد اهمومي من تبعد عليه!!
___:::___:::___