زهيري تحفه للشاعر عريان سيد خلف

والله ماشيدت فوق الرمال قصر
وافيت حد الوفه ومابدر مني قصر
وياك ماهمني ان طال ولى قصر
وكتي وصدورة كصر كطع دليلي وصل
خايف سكم حالتي لوله عد شامت وصل
من كتلي ناوي الهجر وانه اعله قبلة وصل
مدري تمام الصله صليت انه لو قصر.


ممكن ردودكم؟؟

تسلمي على هذا الاختيار الرائع ... وهذا ردي لكم .. يارب يلقي القبول عندكم .. وتقبلوا تحياتي ..

غراء فرعاء مزيونه مابيكم قصر
وفيتي حد الوفه ومابدر منك قصر
وياكم ماهمني لو طال عمري وقصـر
لأن أدري بكلوبنا مربوط حبل الوصل
أنا للطيبين اعطي رويحي وليهم اصـل
من كتلي ناوي الهجر كتلك حجيك وصل
مدري تمام الصلا صليت أنه لو قصر

وردي لحضرتك وياريت يعجبك

زهيري للشاعر جبار شدود:

ياما سطرني الوكت لاجن فلا هامله
ماكتله دخلك وابد مادنكت هامله
بس بذجركم تكت عيني ولكم هامله
من حيث في الغرب ماهو بثخن فايكم
شطرين صار الكلب يهلي بسبب فايكم
يابحر الاظلم عجب جف العضب فايكم
والشامت مصابكم زاح شكثر هامله.

تسلمي ياطيبه .. ردك يعجبني وعلى عيني وراسي ... وهذا ردي يارب يعجبك .. تقبلي تحياتي..

بيدر هم سواني الوكت وصرت هام إلـه
وحك عينج كلبي لعد غيرك أبد ماهام إله
بجفاكم مابطلت عيني وطول الوكت هامله
لأن رماني بسهم وشط الكلب نصين فايكم
مثل حبج ماشفت حب صادقه وفايه كــم
عيشتيني برغد بجنان حبكم وظلال فايـكم
ويستاهل شخصكم واحد يطخ الهام إلــه

تسلمي ربي يحفظك ... كل الزهيري اللي رديت بيه هو من كتاباتي والله العظيم وليس منقول من شاعر آخر .. يارب اعجبك ... تقبلي تحياتي وشكراً على الرد..


بهوى المحبه حمامه مشطي جعودك وأنسلي
سلامة روحك من السل وياروحي انسلي
إذا رحتي من هو اللي يظل ونسـه إلي
روحي فدوه إلج خليني أروحن وآني بـألم
ومابقى حيل البيه أشـد جروحــي وألم
آنه البذلت الروح لحبابي سفينه وبلم
همني راحة حبيبي واذا جانت راحتي أنسه إلي

هذا زهيري جديد .. يارب يعجبك بس لاتزعلي.. وتقبلي تحياتي.

للغرب خذت كلبي وبيه طارت حمامه
بجفاهه الكلب يلهب, زايـد حمامه
آني صرت مثل العايش بحما أمــه
لايكدر جفاهه ولايكدر ترك الولف
متدوهنه رويحتي بس أدورن وألــف
كثر همي وصرت أحسب الواحدألــف
لانفع بير العليل ولانفع بي حمامه

تسلمي ياطيبه ياروعه ... ربي يحفظك من كل شر ويبعد عنك عيون الحاسدين ... هذه ابيات يارب تعجبك... وتقبلي تحياتي.

حياتي أنتي ونبض يسري بشراييني
عيني انتي اللي على دربي تدليني
انتي نبع صافي ومن العطش ترويني
انتي بلسم يشفي جروحي ويداويني
انتي كمر يشع بالظلمه ويضويني
انتي شمس نورت كل عمري وسنيني
ربي يحفظك يابعد عمري وكلبي وعيني
خلي القصيدة عندج ذخر بيها تذكريني
اذا تفاركنا بيوم وما أشوفج ولاتشوفيني
تهت ببحر الهموم وتيهت نوحي وونيني
وألزمت عتبة الباب بلجي ألكم توديني
عافتني العتبه و صارت بغيابك تبجيني

ربي يسلمك ويبعدك عن الهموم


إذا رايد تسولف سولف بماعون
عسل كلمات ثغرك لاتبديهن
واذا دمعك نزل قارورة حط للعين
دمعاتك شذر مو كفر تبچيهن

تحياتي

إذا رايد تسولف سولف بماعون
عسل كلمات ثغرك لاتبديهن
واذا دمعك نزل قارورة حط للعين
دمعاتك شذر مو كفر تبچيهن

تسلمي ياذوق ياطيبة ... ربي يحفظك من كل شر .. ويارب نشوف المزيد منكي ... تقبلي تحياتي ومشكوره على الرد...

اذا رايد تسولف سولف بمــاعون
عسل جلماتك ويصيرن كحل للعيون
وإذا دمعك نزل,نزّل كحل الجفون
دمعاتك شذر مو كفر لو ينزلون
خافن لونزل دمعك شماتك يشمتون
وأخاف عله وردات الخد يذبلـون
وأخافن لوتبجي هلك ما يقبلون
لأن عزيز أنته وتنحط بالعيـون
كلي الوادم غير حلو هم يشوفون
لو بس انته حلو وبهالخلك مزيون
طولك نبع ريحان وبالهوه تميلـون
حب طليع لوليلو يامحله السنون
الشفه قمر الدين,منها يشربون
والخشم كدرناه ياربي زغيــرون
والشعر ظلمة ليل يذري عالمتون
ياربي احفظها من عين اليحسدون
وخلها ذخر إلنه ولكل اليحبون

كلك مو حلو ومابيك شي مرغوب
بس كل جسمي يرجف من تلاكيني
عيونك لازرك لاخضر واهتم بيك
بس فنهه بحضرتك تنرفع عيني...

ربي يحفظك

كلك مو حلو ومابيك شي مرغوب
بس كل جسمي يرجف من تلاكيني
عيونك لازرك لاخضر واهتم بيك
بس فنهه بحضرتك تنرفع عيني...

كلك حلو وكل شي بيك حلو ومرغوب
وجسمي يخضر ورد ينتعش من تلاكيني
عيونك لاخضر لازرك بيهن سحر مكتوب
بلسم يطيبن جروحي ونظراتك تداويني
خجل حلوات والخجل طول العمر مهيوب
بس وين الشهم اللي يحط عينه بعيني
مايدري المدلل بجفاه الكلب مصيوب
محتاجك يابعد روحي تزيح الضيم وتسليني
تسلمي كلش حلو ... ربي يحفظك