ظل وياي
كلي شراح اكلك وانت راح تروح
ليش تلح علية وتنتظر ردي
هذا لسان حالي دموعي تحجي وياك
راح اسكت واحجي دموعي لبخدي
واسولف بالدمع واتوسلك عبرات
ودي اشبع بشوفك واحتفل ودي
ظل وياي اريدك والبقن جم يوم
وهالجم يوم صارن حدك وحدي
خليني ارد اشوفك صرت احسك طيف
وياعين التكض الطيف اليعدي
صرفنه سنين حبنه وخلصن تبذير
وعلى يوم النشوفك باجر انجدي
اخذني وياك اريدك مااريد الغير
كون بسدك اكعد واكعد بسدي
لاتخليني وحدي مين اعرف الناس
لاعرف اعاشر لاخلك عندي
احب شون غيرك من اود شون
انا وياك كلش خلصت ودي
بكد حبك النفسك جنت اناني وياك
ومنو بكدك يحبك محد بكدي
يل بيه وي روحي الطلعة طلعت موت
شيردكم علي لو صيحت ردي
اخذني وياك مني شعندي باقي وياي
وكلي وياك اخذني وكولشي لتودي
شيصيرن بعد خل اليصير يصير
خل كلشي الية وينكلب ضدي
خل اسنيني تغرك خلي عمريفيض
خل اكبال عيني وينهدم سدي
خايف صح جنت بس جنت اخاف عليك
والمن بعدك انته وخايف شعندي
ظل وياي اريدك والبقن جم يوم
وهالجم يوم صارن حدك وحدي
هذه القصيدة للشاعر المبدع
جبار رشيد
ياربي تعجبكم تحياتي
موضوع: ظل وياي 
الثلاثاء فبراير 02, 2010 5:37 pm
