عذبني بعد للمبدع دائما معتز المياحي

قصيدة للشاعر الرئع معتز المياحي
اكثر من رائعة---ارجو ان تنال اعجابكم



عذبني بعد لتظن أكلك ليش
لان طبع الشجر ما عاتب الفاسة


ولا أكلك اجرد من صفات ألبيك
يا شيطان قبلك عاف وسواسه

محطة أنت بدرب كل اليجي يمر بيك
قلب ميت صرت ومفارك أحساسة


ما يذبل ورد لو ما تلزمه الناس
ويموت الدرب لو ما جدم داسه


صرت أنت جسر تنداس حتى أتعيش
وما تكرب نهر من يعلن افلاسة


اعرف معدنك بس همني ماي ألبيك
ترويني شعلي بمعدن الطاسة


وإذا شفت القلب مر بيك مر مجبور
واضربلك مثل وانطيك مقياسه


إلي يدني القدح يمه شفته يشرب ماي
مو معناه قبل مايك أو باسه


البلبل لو ركع لمن أكل تنطيه
ما يركع ألك بس ياكل براسة


ومو انه الغشيم إلي يعاشر خيط
ويشده بركبته ويكطع أنفاسه


انه من أرد أعاشر تاج يحضن ماس
تغله شما تحيل أو تعتكَ ألماسه


ما أعاشر سعف ييبس وتالي أيطيح
لو يصفه حطب لو يصفه مكناسة
لو يصفه حطب لو يصفه مكناسه