عفة الحوراء

معفة الحوراء



شعوله القصيده بنار تطلب ثار
مهي نيران ظيمي شلون اطفيهه
طفيت الصدر بالعجز شبت نار
حركت قافيتهه وكل معانيهه
نيران المذله منهه تطلب عار
ووعدتهه بحرير وجنه تأويهه
قصيده موّرده من طف سكاه حسين
ياعار التظنه يمس قوافيهه
انه مكبع القصيده بعفة الحوراء
فدوه تروح الهه جفوف راعيهه
شمائل يوسف مفصله عليه فصال
عزيزة مصر ثوب البصره جاسيهه
تحت ساك العرش ربك زرعهه اسرار
ويويحيهه عله عبده بعلمه يوحيهه
ما يوحي السرد ربك اليوحي ابداع
تلاعب سبك صوره ووزن يحويهه
وهاك اعظم قصيده انقرت بالتاريخ
جف ربك كتبهه وروحه حط بيهه
سماها الهك خاتمة الاديان
وكلف بيهه احمد كله اديهه
اداها محمد والطفوف شهود
وكلبهه عله كيفك ركه مابيهه
خلك معصوم لازم بالقصيده يصير
يخلدهه الوكت لو راد يهجيهه
ترافة جنه بيه وهيبة النيران
وجعب عنكود انصحك من تربيهه
اغنيهه القصيده ولا تخلهه بعوز
انت اسكن رصيف بقصر خليهه
لا تحمل فكر خليهه تحوي افكار
علي الوردي وارسطو الفكره ناغيهه
من انصحك صدر الاول خله عنوانك
مو صدر القصيده الفلسفه اعنيهه
مهي مهره القصيده تريد شد رجال
تعله من تكب لا ترضه واطيها
مسموح التوارد لاكن وي الله
شوف المن مدح وانت امتدح بيها
كص نعل القصيده ان زحفت بيوم
موزحفت وزن زحفت معانيها
اكتب بالقصيده عراق يا مظلوم
بس ممنوع تحشي بنص قوافيها
كص نعل الحشو بتل الطوى من تفوت
مكارم خلق شعر الشعبي تلكيها

بقلمي
انا
الشاعر
ذوالفقار البصري
عضو اتحاد الادباء الشعبيين

12/8/2009