(9)
سكيتك دمع
سكيتك دمع .. كلت تخضر بروحي قصايد
وطبع الينسكي .. من ينسكي يشب
لكيتك فرح .. كلت كلوبنه مغيمه
على واهسكم نخف اجدامنا ونطرب
فرح ياحنة معيدين ........
ياشمعة صواني انشالت المغرب
يشدة ياس .. وبكل كتر ريحتها ....
اشمها وما أمل .. ونوب ارد اردود واتكرب
ياطيبة هلي .. وحس هاون ومكلاه
يانار الوجاغ .. البلكلب تلهب
شوصف بيك ... اذا جامع سجايه هواي
شماعدد ابد ما اوصل المطلب
مامر الحقد فد يوم قاموسك .....
ولاتكره .. وفي وطبعك نزيه وبس تعرف تحب
اتأملك رشفة كاس بشفاف المحبين
ماتنمل ولاكاس الشهد ينضب
ياقطرة نده ونزلت توالي الليل
وخليت الورد من ريحتك يشرب
اذا حتى الورد منك يستحي وخجلان
ضم حمرة خدوده بحضرتك واخنب
اذا أبقى اوصف بيك ...
القصايد توكف وتاخذ تحيه بساحة الملعب
************
تشرين الاول/ 2005
موضوع: سكيتك دمع 
الأربعاء مارس 10, 2010 4:00 pm
