حوار بين الام وابنتها

حوار بين الام وابنتها

الام: يمه الاجه ابن جواد موش ابن غربة
اصل الستر والطيب واصل المحبة

‏
البنت: اليخطبني لازم كون انه الاريده
عنده قصر واموال وسويجه بيدة

‏
الام: ابكبرج واجه الخطاب كتلهم ارضة
جابولي خام الشام والحجل فضة

‏
البنت: يمة زمانج راح بيه انظلمتي
وذاك الوكت مرفوض مو مثل وكتي

‏
الام: عشنا بوفة وبطيب كل الليالي
لازفة لاكنتور.... لامهر غالي
‏
‏
البنت: اعرف بنات هواي عزن نفسهن
اتكلف كذا دينار بدلة عرسهن

‏
الام: اشرايج لوَن زنكين عالحسن حبج
وملج بعد شهرين واعلينة ذبج

‏
البنت: بنتج بعدها اليوم حلوة وزغيرة
مو مشكلة من يروح يخطبني غيرة

‏
الام: بس كلمة عندي وياج ولله شهادة
بالوفة وبالاخلاص سر السعادة

‏
البنت: اخر كلام وياج متطورة انه
والما يجيب المال شلي بحنانة

‏
الام: اختاري والله اوياج يا سلوة العين
امج واعرفج زين باجر تندمين

&&&&&&&&&&&&

» عيد الام
» حوار بين الشمس والقمر
» حوار العشاق - همسة من آخر حرف