دارمي وابوذيه

لتتوهم ابــــــد من طعــنتك دم سال لحت سرّك البـيّــه ونزف شمع احمر
كلما آجيلك اترجعني كلّــــــي جروح بس احچـيلي انت انسان لو خنجر!؟


صراير عشك روحي وك صرتلك‎
ونفس وكت‎ ‎المنازع وك صرتلك‎
طويل واعلى منك وكصرتلك‎
حتى اتلوحني من اتبوس اديه‎ ‎

تنشد دوة المكسور‎ ‎كاسرتة الايام دوم الحبيب وياة ويلفة وينام

‎
تراني مقصر وياك‎ ‎مرات‎.
وليالي ابعادك حيل مرات‎.
مر على عيني طيفك مرات‎.
دمر اشبيك بالصدك‎ ‎مرة علية‎.
‏ ‏
صح البعد ايام بس هذا يجرح‎ ‎شيبت حتى الروح وتكلي افرح‎

‎
احبك وتحبني وك اني طالب‎.
انت استاد حبي واني طالب‎.
وحك‎ ‎علي بن ابي طالب‎.
احبك وريدك بس الية‎.
‎
جروحي يالمحبوب تسعر ابعدك وحتى‎ ‎الجرح يبجي على مودك‎.
‎
‎***‎ي من حبك مات وكلت خلي‎.
انته حبيبي دوم وعمري‎ ‎وخلي‎.
جيب خدك وعلى خدي خلي‎.
بلكت انسى كل هم وجرح بية‎

لزكة وغثيث اهواي وعايف ادروسة‎. ‎يخابرني نص الليل‎ ‎رايد أونسة‎.‎


يامن بغرامك‎ ‎دروس سچينة‎.
كل شوارع ودروب حبك سچينة‎.
وانته مبرد والوكت سجينة‎
وتحد‎ ‎الوكت حتيكطع ادية‎.
‎

‎
‎
انته التخابر دوم واتريد احاجيك‏‎ ‎وحلفانة هاي الروح والة‎ ‎تبجيك
‎
‎
‎
يون ***ي عليك‎ ‎اوهو طافي‎
حسنك على كل البشر طافي‎
وغركان ابحبك وانته طافي‎
دحبني ارجوك‎ ‎وحن علية‎.‎


اصفن على حالي وشوف اشكثر مجروح باقيلي بس جرحين وتودع‎ ‎الروح‎.‎

‎
‎***‎ي داخ أزماني وداخ لي‏‎
لان نار الشوك شبت داخلي‎
من يوم‎ ‎اسكنت قسم داخلي‎
حسيت السما انطبكت علية‎.

لاتحزن على الصار وخلينة ننسة‎ ‎كلما اريد انساك تطلعلي‎ ‎طسة

‎
ابـلـع كبــسـلة ابحبك‎ ‎ولهم‎
ولجلك اجرعه للحزن ولهم‎
بس احنة الي تعادينة ولهم‎
سعادة تنطي واحلام‎ ‎وردية‎
‎
اركض ركض عدنان وبضهري احط لينة‎ ‎واني البحر والروج وانتي‎ ‎السفينة‎


‎
خيوط حبنة رفيعة مو بدينة‎
تكول ابدي اكلك مو بدينة‎
تكلي‎ ‎لاتحب اكلك مو بدينة‎
وتكلي روح وانسى القضية‎



‎
انبت بسامير حبك بيدي‎ ‎ودك‎
وطرق باب ***ك ابحبي ودك‎
تكلي بعد لاتتصل بية ودك‎
اكلك ال*** يأمر ودك‎ ‎ادية