توصيني على روحي..؟؟

توصيني اعلة روحي وروحي هم تعيش؟
واذا عنهة بعدت هم تظن تنساك؟

يعني اعكد رموشي بحاجبي شلون؟
لأن بجفوني كلما ارمش الكاك

ودعتك ولو كلبي انعصر حيل
وأحس بكلبي كلة يصيح (مشتاك)

انت الي خسرتني واني خسران
وحبنة شكد بجة وخلكة اشكثر ضاك

بجيتك مو دمع، دمعي بجة عيون
وفوك عيون دمعي دموع الفراك

وأبوذية نطقهة لساني مقهور
شالت ذكرياتي الراحت وياك

وقل ماك
كثر بيه عطش حبك وقل ماك
واشتلنك جنت بية وقلماك
ذكرى يمي ظل عطرك وقلماك
يبجي ويرسم دموعك الية...

خاطر عودي ظل بجفاك مكسور
من شافك مشيت وماحجة وياك

يكلك لحظة، دوزنت الاوتار
والاغنية التحبهة تموت بجفاك

((آنه ما احبك انا اتنفس هواك
كل ما فيني يصوتلك ابيك..
ضاعت سنيني تاليهة معاك
رد رودحي لا تضيعهة بإديك))

ما مستوعب انه الصار لساع
كاعد مرة اصفن مرة ابجيك

نطيتك كلشي عندي بهاي دنياي
وشعندي بعد؟؟ لو عندي انطيك

يصلي كليبي الك ويصوم كل يوم
ويطوف شكثر بخطوط جفيك

وعيوني انت بيهن ساكن سنين
وروحي فراش الك جانت تغطيك

اصم بيدية اذاني كبال هالناس
اخاف ابجي اذا مر بية طاريك

وكلما اصمهن اكثر زاد طرواك
تخيل،، جفي واذني السولفو بيك

شرد احجي بعد ، ما بية كل حيل
خايف صدفة باجر بيهة الكيك

وما حاجيك اذا لاكيتك بيوم
وادري لسان كلبي هو اليحاجيك

[center]

سلمتي لمآ طرحتي من حروف هنآ

بآنتظآر الأجمل .. فلآ تحرمينآ
دمتِ بود
.
تحيتي~>

شكرا جزيلا على أطراكِ الجميل
منوره

توصيني وعلى ياذمه توصيني

حبيبي انته ونبض يسري بشراييني

جميله القصيده معاني ووصف طيب

نتمنى التقدم ونرى الجديد الاجمل فالاجمل

تحياتي لكم ...

شكرا على المرور الجميل وأطرائك المميز
تحياتي الحضرتك..

» صبر روحي
» سأعلن الحدآد لعشقي و ألبس روحي ثوب الوجع ...
» روحي بلقاك /ماجد المهندس & منصور زايد
» كلمات اغنية حسام الرسام انتَ روحي