تنازلت وبعتني ليش وشلون

تنازلت وبعتني ليش وشلون
كلبك مــنكســـر لمن بعتني ؟!
شلت سنين حزنك بين العيون
وانت بكم شهر ماشلت حزني !
صبرت اني وكلت دمعاتي تهون
ومن جيتك لكيتك فاركتني
شيفيد الدمع لو زخته اعيون
وانته بعينك الصلفه تركتني
لتكول الزمن غدار ويخون
زمانك ماغدر وانته غدرتني
امسح كلشي ضل بالماضي مسجون
وامسح ذكرياتي الصبرتني
واوعدك راح امسحك من الجفون
مثل مابيدك الوكحه امسحتني
مو كتلي الامان بجنبك يكون ؟
بامانك ليش غفله وضيعتني
لجلك حاربت كل اهلي والكون
كلت ماريد غيرك يل عفتني
مايحتاج اعاتب واطلب العون
منك وانته بيدك عذبتني
ولا يحتاج اكلك طبعك تخون
تعرف نفسك انته شكد خنتني
حبيتك صدك حب طفل مجنون
و انطيتك حياتي وموتــــتــني
اشكرك علمتني الحب والضنون
ودروس هواي اشكرك علمتني

ماشاء الله .. تسلمي على هذه القصيدة الرائعه.. تقبلي تحياتي

تنازلت وبعتني ليش وشلون كلبك مــنكســـر لمن بعتني ؟!
مو حبيب اللي عليه حبيبه يهون ...ينكسر كلبي وليـــكم يعتني
وفيه والوادم إلج مايلحكــــون ...شلتي احزان حبـــنه وحزني
دمعاتج دم وجرحن طرف الجفـــون ... ومن غبتي روحي فــاركتني
دمعاتج خناجر موتن بيه الظنون ..كلبي قاسي وانتي اللي سامحتني
حشاه الزمن أبد مايقسي ويخــون ...الغدر بينه وروحي انكرتني
حبج ياعمري بهالكلب مـــــدفون ...شلون امسح ذكراكــم حيرتني
ظلت بكيفج عاد والوفيه مـاتخون ...هيهات,جلماتج حيل اجرحتني
ولحد هالساع الامان بجنبي وماأخون ...وشلون اضيع ذيج المـانستني
ادريبج وفيه وحبنه مايهون ..وسفه الحبيبه تكول انته العفتني
ركبتي سداده الكم يانور العيون ...أنا ماأعذب حتى لو عذبـتني
مو من شيمتي أغدر بحبي وأخــــون ..ماأكدر أكولن انتـه الخنتني
احبج حب ماينوصف حب ليلى لمجنون ...وانتي اللي كلتي بحبك موتتني
حبنه بكلوبنا دايم مصـــــــون ...ودروس من هذا الحب علمـتني