!.هـمـسآتے رجْـلـے.! , المـراقب الـــعام
[ عدد المساهمات : 560 مميز طلبة ذي قار : 0 تاريخ التسجيل : 07/03/2009 العمر : 37 الموقع : العراق
| موضوع: بعد ماجيب جرحي اتروفه اليه اردود جديد الأربعاء مارس 24, 2010 2:30 pm | |
| بعد ماجيب جرحي اتروفه اليه اردود انه استجمعت حيلي وبا الصبر رفته امر وتشوفني اشلونه الوكت وياي مامهموم وضحك والحزن عفته ماخليتلك خيط امل تترجاه كفل حتى الخيال من الجفن شلته وضعف روحي بدي جرييته امثل بي كدام اليضدك للصلب كدته من تشوفني تعرفني لا والله موذاك الغشيم المن كبل شفته اكبالك غير واحد بيه شبه من ذاك مايشبه هذاك البيه جرح عفته مره التجربه المريت بيه وياك مره وعلمتني وحنضلك ضكته ولو خسران بس الله يعوض الراح حب راح بعشرتك وانته بوكته عفتك دونه ماتسمعلي وقع اقدام ماتحجي الشموع وينطفن سكته عرض كدامي ضلي وعطلت ممشاي حاجيته ونصحته ومن رفض دسته وضل حلمك ابعيني اعله الجفن مطروح جذاب اليكلك من رحت جسته ولان ماردت منك شي يضل تذكار ماردته بحياتي وعا الخلك سمته منو الياخذ حلم من ينطي زايد بي حلم كلش جديد وما استعملته ابيعه الغير واحد مثل ماسويت وياي وحنينك للغرب بعته مثل سجينتك راح انسحب بهداي حتى اترك حياتك واطلع بسكته بلا ماتشعر ويكسر قرار الشوك ورجعلك واكول اتسرعت خذته ردت ينباك جرحي ورصعت بيه ماس ردت الوي الحرامي ومن رفض لمته ان الطير النزل للطعم من حطيت روحك للضحيه ومن نزل سطته ترك لاجلك سمه وراويته المجازاه من كصيت جنحه وللقفص جبته عفتني وي الجكاره ثنينه مورثين محد طفه الاخر ونطفيت انته كبل جم مره اجيلك مشتري ومابيع وسمع صوت روحي اتكلي عاذرته وانكثلك اسراري بحضن لحضه شوك بس تالي الكي سرى الناس سامعته جنت مثل الهوى موتي بصفنتي ايصير يحيني اليكلي الشادهك شفته واحلف كارهك واكتشف يطلع شوك من ضمن السوالف با الحجي الكلته ردت جم مره اطلعك كلبي مابي باب دورته عله كيفي وكل كتر درته وتعلمت كلشي في سبيل انساك بس افراك وجهك ماتعلمته هسه بسد خريفك حطبت ذكراك خاف يرد خضارد وانتشي بجيته بعد ما اريدك خيط اجلب بيه وابقه متاني جفك ايعته اتعوف الدفن حبك مثل سرب الراس تركض عا اليحطك راس سالفته يلمهدور حبك مني كون اتشيل لاتفتر ابروحي وثاري ماخذته انه منوميتلك من الم طعنات لابس ردت اكلك ما لحته ماينخدع كلبي بدمعتين ارخاص تتلطخ بدمه وتقره فاتحته عالي الجف اذا وكت الزعل ينباس عكس الجف هذاك البصلح بسته
ابداع اخر للشاعر المبدع ايهاب المالكي | |
|
سارة الدلوعة عضو فعال
عدد المساهمات : 17 مميز طلبة ذي قار : 0 تاريخ التسجيل : 07/01/2010 العمر : 40
| موضوع: رد: بعد ماجيب جرحي اتروفه اليه اردود جديد الأربعاء مارس 24, 2010 3:32 pm | |
| مثل سجينتك راح انسحب بهداي حتى اترك حياتك واطلع بسكته كلمات اكثر من رائعة عاشت ايدك وفعلا ابداع | |
|
بلبل الاحزان عضو ذهبي
عدد المساهمات : 88 مميز طلبة ذي قار : 1 تاريخ التسجيل : 06/01/2010 العمر : 39 الموقع : أرض الله الواسعة
| موضوع: رد: بعد ماجيب جرحي اتروفه اليه اردود جديد الخميس مارس 25, 2010 4:06 am | |
| - اقتباس :
- بعد ماجيب جرحي اتروفه اليه اردود
انه استجمعت حيلي وبا الصبر رفته بداية اكثر من جميلة
عاشت ايدك
نطالبك بالتميز الاكثر | |
|