بعد ما اكلك احبك

بعد ما أجيب جرحي إليه أردود
أنا استجمعت حيلي وبالصبر رفته .
أمر وتشوفني اشلون الوكت وياي
ما مهموم واضحك والحزن عفته ،
ماخليتلك خيط أمل تترجاه
كَفظ حتى الخيال من الجفن شلته .
وضعف روحي بدية جريته
أمثل بيه جدام اليضدك للصلب كَدته .
من اشوفني تعرفني لا والله
.مو ذاك الغشيم المنقبل شفته .
كَبالك غير واحد بيه شبه
من ذاك ما يشبه هذاك البيه جرح عفته
مرت تجربه المريت بيه وياك
مره وعلمتني وحنظلك ضكته
ولو خسران بس الله اليعوض الراح
حب راح بعشرتك وانتهه بوكته
عفتك دون ما تسمعلي وقع أقدام
ما تحجي الشموع وينطفن سكته
عرض كدامي ظلي وعطلت ممشاي
حاجيته ونصحته ومن رفض دسته
وظل حلمك بعيني أعله الجفن مطروح
جذاب إلي يكلك من رحت جسته
من ياخذ حلم من ينطي زايد بيه
حلم كلش جديد وما استعملته
أبيعه لغير واحد مثل ما سويت
وياي وحنينك للغرب بعته ،
مثل سجينتك راح انسحب بهداي حته
اترك حياتك واطلع بسكته
بلا ماتشعر ويكسر قرار الشوك
وارجعلك وأكول أسرعت أخذته ،
ردت ينباك جرحي ورصعت بي ماس
ردت اروي الحرامي ومن رفض لمته .
انا الطير النزل للطعم من حطيت
روحك للضحية ومن نزل صدته
ترك لأجلك سمه وراويته الانجازات
من كصيت جنحه وللقفص جبته .
عفتني ويه الجكاره اثنينه مورثين
محد طفه الآخر وانطفيت انته
كبل جم مره اجيلك مشتري وما بيع
واسمع صوت روحي اتكلي عاذرته ،
وانكتلك أسراري بحضن لحظة شوك
تالي ألكه سري الناس سامعته .

قصيده روووعه

تسلم ورده

تقبل باقاتي من الاحترام والتقدير

انا الطير النزل للطعم من حطيت
روحك للضحية ومن نزل صدته

تسلم ايدك علوكي
روعه بكل معنى الكلمه

» قال لها احبك وقالت له احبك
» لو كلك احبك لو احب كلك
» احبك كلمه ماكدر اعاند فيه احساسي
» الشاعر ضياء الميالي والقصيدة بعنوان (احبك عسل )
» احبك ياضوه عيوني على عناد يلوموني لاعوفك ولا أنساك لو ميت يشلوني