لو كلك احبك لو احب كلك

احب كلك
خلك ماصرت لو ماخليلي تصير
وصرت خلي برضاتك جي صرت خلك
علمتك عليه من الالف للياء
تغلط بالاجابة وانا اعدلك
حرثت لخاطرك بروح حرث الكاع
بوسات وورد كل خلكي اشتلك
شمعة انته بحياتي وعمري ظلمة ليل
شعلت روحي وخفت ماشعلك اشعلك
خاف سنين عمرك تحترك بالشوك
اضملك صرت من عمري اعزلك
عليك اتسودنت موبس اخاف عليك
احل روحي واكضك خايف اتحلك
واغمض من اشوفك واخدر علاشوف
غلطة انته بحياتي وصعبة مازلك
كم ابليس اطرد من يوزني عليك
جم شيطان ارجمه بروحي واكتلك
ماصيرن نبي بس راهب انا وياك
بيات المحبة بشوك ارتلك
شلي بغيرك انته والكه مثلك وين
وتتعب تلكه غيري بهالتعب شلك
ياهو العلمك وتريد تمشي بعيد
سل الشوك خايف باجر يسلك
مثل ظلك جنت بالخطوة نمشي اثنين
مشيت انته بظلام وضيعت ظلك
دليني عليك سنين تايه بيك
وابقى وياي يمك خاطر اندلك
عرفني علشخصك رايد احجي وياك
بس كلمه وبعد ماغيرها انكلك
وحده من الاثنين ووحده راح اختار
لو كلك احبك لو احب كلك
اسأل ليش احبك حتى اكلك ليش
وليش شماتسوسي وياي اقبلك
لحظة موت عمري سنيني كلهن خوف
بس اوياك اأمن لمن اوصلك
وانته اخر نفس وشكد عزيز تصير
وبلحظة الموت تريدنه انملك
خيط عالجرح باللحم صرت وياي
لو كل الجروح اطيب مافلك
تعرف كولشي بيه وماعرف شبيك
لغز حلك ,لغز من يكدر يحلك ؟
اشرد حتى اجيك ومدري ليش الخوف
خاف تخاف مني بسدك اختلك
مثل ظلك اظل والليل يكضي الليل
ومن تطلع شمس من سدك انزلك

تحياتي