يالبعيد ...... جبار شدود

يالبعيد
هاك حرفي وخله يغفه بروض صدرك يالبعيد
وخل يخبره ابولفه بعده شلون محزن لو سعيد
وخله يتوسد كليبك وخل يحضنه بلجي يحجيله اشيريد
لو تجيني اتشوف كلبي قصور من همه تشيد
لون حالي تشوفه عينك تبجي لو كلبك حديد
هذا حالي بعظم هجرك ناحل وصاير ونيد
الانذال شيوخ صارت والشيوخ الهم عبيد
وهاي روحي اتصيح وينك وينه وعدك يالبعيد
لاجن اشبيدي اعله وكتي الجفه وخلاني وحيد
وتدري جرحي اشما اشده يفيض والشد مايفيد
وتدري من تغيب ذجرك يسري وي دم الوريد
هاذه عمري وبعد عينك ماتمر بايامه عيد
انه طبع الكاع طبعي وشوكه بغيابك يزيد
ولون طبع اهلال طبعك هم يتم ويغيب ويهل من جديد