قصيدة للشاعر المرحوم جبار شدود

مبارك بالعرس وبليلة الحنة
مبارك من خذاج الغير وتهنه
نسيتي ايام عشرتنه ونسيتي شلون من جنه
مبارك من نسيتيني وتشمت بينه عاذلنه
مبارك من جزاني الريل وبغنوة هجر غنه
نسوك احبابك الجانو تحس بنارهم جنة
وصفت شماتك اضواها ظلام وكطعت الضنه
يريل اتريض شويه ولك ولفي ارد اودعنه
شمااريد اعتب تكلي الصوج مو منة من اهلنه

السلام عليكم ورحمة الله وبركاته..

تسلمي على الاختيارات الرائعةوالتي تنم عن قلب موجوع ومفارق يلوح به الألم وتتكسر بين ثناياه العبرات ... ربي يحفظك من كل سوء.

مبارك ياعروس الخير والعريس بيكم تهنـه
مبارك من خذاج بليل وبيدج طبعة الحنه
مايدري بيه شصار وضلعي من الحزن حنـه
نسيتي أيامنه الحلوه,سوه من تنزل مزنه
مبارك من نسيتي وبينه تشمتوا كل أهلنه
مبارك من جزه البلام ومجذافه يجر ونه
نسوك الجانو احبابك ومامنهم بعد ظنه
شماتك صفوا فرحانين ومسوين الفرح جنه
جزاني الريل..نكضني الحزن ومابيه أودعنه
لاتعتب تره الدنيا غداره والصوج مو منه