صبر روحي
بأمر من الصبر مريت ....
وضكتني الليالي بحيل ماعدها
وﮔف صبري .... العضيد وياي
وﮔلت للغير ايدي بعوز مامدها
ادري وياي وكتي بعكس ............
وبيبانه بصلافه شلون من سدها
يروحي شمالـﭻ ترفين ... ﭼاوين الصبر
وين الجلاده ... الوكت خمدها؟
يروحي الـﮔال خل يـﮔول ...
والشماته فنها ... وشحدها
يروحي الصبر عندي بوزن هاي الـﮕاع ..
موصبري جليل .. وغفل .. دمعاتي فرهدها
ولاصبري تهزهز يوم ..
صبري بعسر ذيـﭻ الليالي ..
جروحي ضمدها
يروحي الصبر عندي اشكال ...
لو تردين اعددها
صبر ضيج الزمان وياي ...
وحسراته غفل ... بـﮕليبي من شدها
صبر من كفو الخوان ...
ومهجتي الوكت ... سردها
وصبر ... متاني وردات بربيع الوكت من تطلع
واطبع بوستي بخدها
************
10/2/2003
موضوع: صبر روحي 
الأربعاء مارس 10, 2010 3:57 pm
